აშშ-ის ხელისუფლება განიხილავს ჩინეთის აპლიკაციის TikTok-ის ქვეყნის ტერიტორიაზე აკრძალვის შესაძლებლობას, განაცხადა სახელმწიფო მდივანმა მაიკ პომპეომ 6 ივლისს FOX News-ის ეთერში.
ტელეწამყვანმა ჰკითხა პომპეოს, შეეძლო თუ არა აშშ-ს ხელისუფლებას გაჰყვეს ინდოეთს ჩინური პლატფორმების, მათ შორის TikTok-ის ფუნქციონირების აკრძალვაში, იმის გამო, რომ ამ სოციალური ქსელის ხელმძღვანელობამ სავარაუდოდ გადასცა მომხმარებლის მონაცემები ჩინეთის ხელისუფლებას.
„ჩვენ ამას ძალიან სერიოზულად ვუყურებთ. ჩვენ აუცილებლად განვიხილავთ ამას. რაც შეეხება ჩინურ აპლიკაციებს სმარტფონებზე, გარწმუნებთ, შეერთებული შტატები იღებს შესაბამის ზომებს“, - განაცხადა პომპეომ.
TikTok-ში რეგისტრირებულია 30 მილიონზე მეტი მომხმარებელი აშშ-დან. 2019 წლის ნოემბერში აშშ-ს ეროვნული უსაფრთხოების ხელისუფლებამ დაიწყო გამოძიება TikTok-ის მფლობელის, ჩინური კომპანია ByteDance Technology-ის მიმართ. ამერიკელი კანონმდებლები შეშფოთებულნი არიან, რომ აპლიკაციის მფლობელები კონტენტს ცენზურას მოახდენენ. მათ ასევე აქვთ კითხვები იმის შესახებ, თუ როგორ ინახება მომხმარებლის პერსონალური მონაცემები.
ასევე წაიკითხეთ: