სილიკონის ველში მამაკაცი დააკავეს რობოტი დაცვის თანამშრომელზე თავდასხმის შემდეგ

41 წლის ჯეისონ სილვეინი (Jason Sylvain) დააკავეს Mountain View-ს პოლიციამ სტარტაპ Knightscope-ის მიერ შექმნილ K-5 უსაფრთხოების რობოტზე თავდასხმის ბრალდებით. თვითმხილველების თქმით, მამაკაცმა 135 კილოგრამიანი რობოტი ჩამოაგდო, რომელიც ავტოსადგომზე პატრულირებდა.

19 აპრილს, დაახლოებით საღამოს 8 საათზე, სილვენი მივიდა Knightscope-ის ოფისში, გადმოვიდა მანქანიდან, გაემართა ავტოსადგომისკენ და განზრახ დაარტყა დაცვის რობოტს. „ჩამოვარდნილმა“ მოწყობილობამ მაშინვე გაააქტიურა განგაშის სისტემა, რის შემდეგაც სტარტაპის თანამშრომლებმა თავდამსხმელის დაჭერა შეძლეს.

მოგვიანებით, თავდამსხმელს კერძო ტერიტორიის ხელყოფა და საჯარო ადგილას ნასვამ მდგომარეობაში გამოჩენა დაადანაშაულეს. თავად სილვენი ამტკიცებდა, რომ ინჟინრად მუშაობს და მხოლოდ რობოტის მცველის „გამოსაცდელად“ სურდა.

უსაფრთხოების რობოტი K-5 2013 წელს იქნა წარმოდგენილი. მას ბორტზე აქვს კამერების სისტემა, რომელსაც შეუძლია ამოიცნოს ძებნილი კრიმინალების სახეები, ადამიანების ხელში იარაღი, ასევე მანქანების რაოდენობა, რომლებიც ეძებენ ან მოიპარეს.